देव्यपराधक्षमापन स्तोत्र – Devi Aparadha Kshamapana Stotram
“देव्यपराधक्षमापन स्तोत्र” (Maa Durga Kshama Prarthna Stotram) का पाठ माँ दुर्गा की पूजा समाप्ति पर, इस स्तोत्र का पाठ करें और पूजा में हुई किसी भी त्रुटि के लिए माफ़ी मांगें।
न मन्त्रं नो यन्त्रं तदपि च न जाने स्तुतिमहो
न चाह्वानं ध्यानं तदपि च न जाने स्तुतिकथा: ।
न जाने मुद्रास्ते तदपि च न जाने विलपनं
परं जाने मातस्त्वदनुसरणं क्लेशहरणम् ॥ 1 ॥
विधेरज्ञानेन द्रविणविरहेणालसतया
विधेयाशक्यत्वात्तव चरणयोर्या च्युतिरभूत् ।
तदेतत्क्षन्तव्यं जननि सकलोद्धारिणि शिवे
कुपुत्रो जायेत क्वचिदपि कुमाता न भवति ॥ 2 ॥
पृथिव्यां पुत्रास्ते जननि बहव: सन्ति सरला:
परं तेषां मध्ये विरलतरलोSहं तव सुत: ।
मदीयोSयं त्याग: समुचितमिदं नो तव शिवे
कुपुत्रो जायेत क्वचिदपि कुमाता न भवति ॥ 3 ॥
जगन्मातर्मातस्तव चरणसेवा न रचिता
न वा दत्तं देवि द्रविणमपि भूयस्तव मया ।
तथापि त्वं स्नेहं मयि निरुपमं यत्प्रकुरुषे
कुपुत्रो जायेत क्वचिदपि कुमाता न भवति ॥ 4 ॥
परित्यक्ता देवा विविधविधिसेवाकुलतया
मया पंचाशीतेरधिकमपनीते तु वयसि ।
इदानीं चेन्मातस्तव यदि कृपा नापि भविता
निरालम्बो लम्बोदरजननि कं यामि शरणम् ॥ 5 ॥
श्वपाको जल्पाको भवति मधुपाकोपमगिरा
निरातंको रंको विहरति चिरं कोटिकनकै: ।
तवापर्णे कर्णे विशति मनुवर्णे फलमिदं
जन: को जानीते जननि जपनीयं जपविधौ ॥ 6 ॥
चिताभस्मालेपो गरलमशनं दिक्पटधरो
जटाधारी कण्ठे भुजगपतिहारी पशुपति: ।
कपाली भूतेशो भजति जगदीशैकपदवीं
भवानि त्वत्पाणिग्रहणपरिपाटीफलमिदम् ॥ 7 ॥
न मोक्षस्याकाड़्क्षा भवविभववाण्छापि च न मे
न विज्ञानापेक्षा शशिमुखि सुखेच्छापि न पुन: ।
अतस्त्वां संयाचे जननि जननं यातु मम वै
मृडानी रुद्राणी शिव शिव भवानीति जपत: ॥ 8 ॥
नाराधितासि विधिना विविधोपचारै:
किं रुक्षचिन्तनपरैर्न कृतं वचोभि: ।
श्यामे त्वमेव यदि किंचन मय्यनाथे
धत्से कृपामुचितमम्ब परं तवैव ॥ 9 ॥
आपत्सु मग्न: स्मरणं त्वदीयं
करोमि दुर्गे करुणार्णवेशि ।
नैतच्छठत्वं मम भावयेथा:
क्षुधातृषार्ता जननीं स्मरन्ति ॥ 10 ॥
जगदम्ब विचित्रमत्र किं
परिपूर्णा करुणास्ति चेन्मयि ।
अपराधपरम्परावृतं
न हि माता समुपेक्षते सुतम् ॥ 11 ॥
मत्सम: पातकी नास्ति
पापघ्नी त्वत्समा न हि ।
एवं ज्ञात्वा महादेवि
यथा योग्यं तथा कुरु ॥ 12 ॥
इति श्रीमच्छंकराचार्यकृतं देव्यपराधक्षमापनस्तोत्रम्।
Read Devi Aparadha Kshamapana Stotram
na mantraṃ no yantraṃ tadapi ca na jāne stutimaho
na cāhvānaṃ dhyānaṃ tadapi ca na jāne stutikathā: ।
na jāne mudrāste tadapi ca na jāne vilapanaṃ
paraṃ jāne mātastvadanusaraṇaṃ kleśaharaṇam ॥ 1 ॥
vidherajñānena draviṇaviraheṇālasatayā
vidheyāśakyatvāttava caraṇayoryā cyutirabhūt ।
tadetatkṣantavyaṃ janani sakaloddhāriṇi śive
kuputro jāyeta kvacidapi kumātā na bhavati ॥ 2 ॥
pṛthivyāṃ putrāste janani bahava: santi saralā:
paraṃ teṣāṃ madhye viralataraloShaṃ tava suta: ।
madīyoSyaṃ tyāga: samucitamidaṃ no tava śive
kuputro jāyeta kvacidapi kumātā na bhavati ॥ 3 ॥
jaganmātarmātastava caraṇasevā na racitā
na vā dattaṃ devi draviṇamapi bhūyastava mayā ।
tathāpi tvaṃ snehaṃ mayi nirupamaṃ yatprakuruṣe
kuputro jāyeta kvacidapi kumātā na bhavati ॥ 4 ॥
parityaktā devā vividhavidhisevākulatayā
mayā paṃcāśīteradhikamapanīte tu vayasi ।
idānīṃ cenmātastava yadi kṛpā nāpi bhavitā
nirālambo lambodarajanani kaṃ yāmi śaraṇam ॥ 5 ॥
śvapāko jalpāko bhavati madhupākopamagirā
nirātaṃko raṃko viharati ciraṃ koṭikanakai: ।
tavāparṇe karṇe viśati manuvarṇe phalamidaṃ
jana: ko jānīte janani japanīyaṃ japavidhau ॥ 6 ॥
citābhasmālepo garalamaśanaṃ dikpaṭadharo
jaṭādhārī kaṇṭhe bhujagapatihārī paśupati: ।
kapālī bhūteśo bhajati jagadīśaikapadavīṃ
bhavāni tvatpāṇigrahaṇaparipāṭīphalamidam ॥ 7 ॥
na mokṣasyākāḍa़kṣā bhavavibhavavāṇchāpi ca na me
na vijñānāpekṣā śaśimukhi sukhecchāpi na puna: ।
atastvāṃ saṃyāce janani jananaṃ yātu mama vai
mṛḍānī rudrāṇī śiva śiva bhavānīti japata: ॥ 8 ॥
nārādhitāsi vidhinā vividhopacārai:
kiṃ rukṣacintanaparairna kṛtaṃ vacobhi: ।
śyāme tvameva yadi kiṃcana mayyanāthe
dhatse kṛpāmucitamamba paraṃ tavaiva ॥ 9 ॥
āpatsu magna: smaraṇaṃ tvadīyaṃ
karomi durge karuṇārṇaveśi ।
naitacchaṭhatvaṃ mama bhāvayethā:
kṣudhātṛṣārtā jananīṃ smaranti ॥ 10 ॥
jagadamba vicitramatra kiṃ
paripūrṇā karuṇāsti cenmayi ।
aparādhaparamparāvṛtaṃ
na hi mātā samupekṣate sutam ॥ 11 ॥
matsama: pātakī nāsti
pāpaghnī tvatsamā na hi ।
evaṃ jñātvā mahādevi
yathā yogyaṃ tathā kuru ॥ 12 ॥
iti śrīmacchaṃkarācāryakṛtaṃ devyaparādhakṣamāpanastotram।
यह भी पढ़ें
● मत्स्य स्तुति ● अपराजिता स्तोत्र ● गजेंद्र मोक्ष स्तोत्र ● लक्ष्मी नारायण हृदय स्तोत्र ● परमेश्वर स्तोत्र ● मृतसंजीवन स्तोत्र ● अन्नपूर्णा स्तोत्र ● कीलक स्तोत्र ● गंगा स्तोत्र ● दुर्गा आपदुद्धारक स्तोत्र ● उमामहेश्वर स्तोत्र ● महालक्ष्मी हृदय स्तोत्र ● संतान गणपति स्तोत्र ● सरस्वती अष्टोत्तर शतनाम स्तोत्र ● नील सरस्वती स्तोत्र ● शिव महिम्न: स्तोत्र ● शिव रक्षा स्तोत्र ● दशावतार स्तोत्र ● पाशुपतास्त्र स्तोत्र ● पन्चयुध स्तोत्रम ● मुकुंद माला स्तोत्र ● गंगा दशहरा स्तोत्र ● कृष्णलीला वर्णन स्तोत्र ● घटिकाचल हनुमान स्तोत्र ● स्वर्णाकर्षण भैरव स्तोत्र ● तुलसी स्तोत्र