दुर्गा आपदुद्धारक स्तोत्र – Durga Apaduddharaka Stotram Lyrics
दुर्गा आपदुद्धारक स्तोत्र इस स्तोत्र के द्वारा देवी दुर्गा की महिमा का गान करने से भक्त में शक्ति और समर्पण का भाव विकसित होता है। भय और बुराई से मुक्ति: यह स्तोत्र अशुभता और बुराई से मुक्ति के लिए भक्तों को सहायता प्रदान करता है। देवी दुर्गा की कृपा से नगरी व मानसिक सुरक्षा मिलती है।
नमस्ते शरण्ये शिवे सानुकम्पे
नमस्ते जगद्व्यापिके विश्वरूपे ।
नमस्ते जगद्वन्द्यपादारविन्दे
नमस्ते जगत्तारिणि त्राहि दुर्गे ॥1॥
नमस्ते जगच्चिन्त्यमानस्वरूपे
नमस्ते महायोगिविज्ञानरूपे ।
नमस्ते नमस्ते सदानन्दरूपे
नमस्ते जगत्तारिणि त्राहि दुर्गे ॥2॥
अनाथस्य दीनस्य तृष्णातुरस्य
भयार्तस्य भीतस्य बद्धस्य जन्तोः ।
त्वमेका गतिर्देवि निस्तारकर्त्री
नमस्ते जगत्तारिणि त्राहि दुर्गे ॥3॥
अरण्ये रणे दारुणे शत्रुमध्ये-
ऽनले सागरे प्रान्तरे राजगेहे ।
त्वमेका गतिर्देवि निस्तारनौका
नमस्ते जगत्तारिणि त्राहि दुर्गे ॥4॥
अपारे महादुस्तरेऽत्यन्तघोरे
विपत्सागरे मज्जतां देहभाजाम् ।
त्वमेका गतिर्देवि निस्तारहेतु-
र्नमस्ते जगत्तारिणि त्राहि दुर्गे ॥5॥
नमश्चण्डिके चण्डदुर्दण्डलीला-
समुत्खण्डिता खण्डिताऽशेषशत्रोः ।
त्वमेका गतिर्देवि निस्तारबीजं
नमस्ते जगत्तारिणि त्राहि दुर्गे ॥6॥
त्वमेका सदाराधिता सत्यवादि-
न्यनेकाखिला क्रोधना क्रोधनिष्ठा ।
इडा पिङ्गला त्वं सुषुम्ना च नाडी
नमस्ते जगत्तारिणि त्राहि दुर्गे ॥7॥
नमो देवि दुर्गे शिवे भीमनादे
सदासर्वसिद्धिप्रदातृस्वरूपे ।
विभूतिः शची कालरात्रिः सती त्वं
नमस्ते जगत्तारिणि त्राहि दुर्गे ॥8॥
शरणमसि सुराणां सिद्धविद्याधराणां
मुनिमनुजपशूनां दस्युभिस्त्रासितानां
नृपतिगृहगतानां व्याधिभिः पीडितानाम् ।
त्वमसि शरणमेका देवि दुर्गे प्रसीद ॥9॥
इदं स्तोत्रम् मया प्रोक्तमापदुद्धारहेतुकम् ।
त्रिसन्ध्यमेकसन्ध्यं वा पठनाद्घोरसङ्कटात् ॥10॥
मुच्यते नात्र सन्देहो भुवि स्वर्गे रसातले ।
सर्वं वा श्लोकमेकं वा यः पठेद्भक्तिमान्सदा ॥11॥
स सर्वं दुष्कृतं त्यक्त्वा प्राप्नोति परमं पदम् ।
पठनादस्य देवेशि किं न सिद्ध्यति भूतले ।
स्तवराजमिदं देवि सङ्क्षेपात्कथितं मया ॥12॥
इति श्री सिद्धेश्वरीतन्त्रे परमशिवोक्त श्री दुर्गा आपदुद्धारक स्तोत्रम् ।
Durga Apaduddharaka Stotram Lyrics
namaste śaraṇye śive sānukampe
namaste jagadvyāpike viśvarūpe ।
namaste jagadvandyapādāravinde
namaste jagattāriṇi trāhi durge ॥1॥
namaste jagaccintyamānasvarūpe
namaste mahāyogivijñānarūpe ।
namaste namaste sadānandarūpe
namaste jagattāriṇi trāhi durge ॥2॥
anāthasya dīnasya tṛṣṇāturasya
bhayārtasya bhītasya baddhasya jantoḥ ।
tvamekā gatirdevi nistārakartrī
namaste jagattāriṇi trāhi durge ॥3॥
araṇye raṇe dāruṇe śatrumadhye-
‘nale sāgare prāntare rājagehe ।
tvamekā gatirdevi nistāranaukā
namaste jagattāriṇi trāhi durge ॥4॥
apāre mahādustare’tyantaghore
vipatsāgare majjatāṃ dehabhājām ।
tvamekā gatirdevi nistārahetu-
rnamaste jagattāriṇi trāhi durge ॥5॥
namaścaṇḍike caṇḍadurdaṇḍalīlā-
samutkhaṇḍitā khaṇḍitā’śeṣaśatroḥ ।
tvamekā gatirdevi nistārabījaṃ
namaste jagattāriṇi trāhi durge ॥6॥
tvamekā sadārādhitā satyavādi-
nyanekākhilā krodhanā krodhaniṣṭhā ।
iḍā piṅgalā tvaṃ suṣumnā ca nāḍī
namaste jagattāriṇi trāhi durge ॥7॥
namo devi durge śive bhīmanāde
sadāsarvasiddhipradātṛsvarūpe ।
vibhūtiḥ śacī kālarātriḥ satī tvaṃ
namaste jagattāriṇi trāhi durge ॥8॥
śaraṇamasi surāṇāṃ siddhavidyādharāṇāṃ
munimanujapaśūnāṃ dasyubhistrāsitānāṃ
nṛpatigṛhagatānāṃ vyādhibhiḥ pīḍitānām ।
tvamasi śaraṇamekā devi durge prasīda ॥9॥
idaṃ stotram mayā proktamāpaduddhārahetukam ।
trisandhyamekasandhyaṃ vā paṭhanādghorasaṅkaṭāt ॥10॥
mucyate nātra sandeho bhuvi svarge rasātale ।
sarvaṃ vā ślokamekaṃ vā yaḥ paṭhedbhaktimānsadā ॥11॥
sa sarvaṃ duṣkṛtaṃ tyaktvā prāpnoti paramaṃ padam ।
paṭhanādasya deveśi kiṃ na siddhyati bhūtale ।
stavarājamidaṃ devi saṅkṣepātkathitaṃ mayā ॥12॥
iti śrī siddheśvarītantre paramaśivokta śrī durgā āpaduddhāraka stotram ।