शिव अपराध क्षमापन स्तोत्र – Shiv Apradh Kshamapan Stotra

शिव अपराध क्षमापन स्तोत्र आदि शंकराचार्य की प्रसिद्ध रचना है। इसमें भगवान शिव से अपने अपराध या त्रुटि के लिए क्षमा-याचना की गयी है। मुख्यतः भगवान शंकर की पूजा के दौरान जो कमियाँ रह गई हों शिव अपराध क्षमापन स्तोत्र के पाठ से उनका परिहार हो जाता है। साधकों द्वारा इसे बहुत ही दैवीय शक्ति-संपन्न स्तोत्र माना जाता है। विधान है कि शिव-पूजन के उपरान्त शिव अपराध क्षमापन स्तोत्र का पाठ अवश्य ही करना चाहिए। जो इस स्तोत्र के साथ नित्य भगवान भोलेनाथ का पूजन करता है उसके जीवन में दिव्यता और वैभव स्वतः प्रकाशित होने लगते हैं। इसे पढ़ने से महादेव सहज ही प्रसन्न हो जाते हैं और भक्तों पर अनुग्रह वर्षित करने लगते हैं। पढ़ें शिव अपराध क्षमापन स्तोत्र–

यह भी पढ़ें – दारिद्र्य दहन शिव स्तोत्र

आदौ कर्मप्रसंगात्कलयति कलुषं मातृकुक्षौ स्थितं मां
विण्मूत्रामेध्यमध्ये कथयति नितरां जाठरो जातवेदाः।
यद्यद्वै तत्र दुःखं व्यथयति नितरां शक्यते केन वक्तुं,
क्षंतव्यो मे‌ऽपराधः शिव शिव शिव भो श्री महादेव शंभो ॥१॥

बाल्ये दुःखातिरेको मललुलितवपुः स्तन्यपाने पिपासा
नो शक्तश्चेंद्रियेभ्यो भवगुणजनिताः जंतवो मां तुदंति।
नानारोगादिदुःखाद्रुदनपरवशः शंकरं न स्मरामि
क्षंतव्यो मे‌ऽपराधः शिव शिव शिव भो श्री महादेव शंभो ॥२॥

प्रौढो‌ऽहं यौवनस्थो विषयविषधरैः पंचभिर्मर्मसंधौ
दष्टो नष्टो‌विवेकः सुतधनयुवतिस्वादुसौख्ये निषण्णः।
शैवीचिंताविहीनं मम हृदयमहो मानगर्वाधिरूढं
क्षंतव्यो मे‌ऽपराधः शिव शिव शिव भो श्री महादेव शंभो ॥३॥

वार्धक्ये चेंद्रियाणां विगतगतिमतिश्चाधिदैवादितापैः
पापै रोगैर्वियोगैस्त्वनवसितवपुः प्रौढहीनं च दीनम्।
मिथ्यामोहाभिलाषैर्भ्रमति मम मनो धूर्जटेर्ध्यानशून्यं
क्षंतव्यो मे‌ऽपराधः शिव शिव शिव भो श्री महादेव शंभो ॥४॥

नो शक्यं स्मार्तकर्म प्रतिपदगहनप्रत्यवायाकुलाख्यं
श्रौते वार्ता कथं मे द्विजकुलविहिते ब्रह्ममार्गे‌ऽसुसारे।
ज्ञातो धर्मो विचारैः श्रवणमननयोः किं निदिध्यासितव्यं
क्षंतव्यो मे‌ऽपराधः शिव शिव शिव भो श्री महादेव शंभो ॥५॥

स्नात्वा प्रत्यूषकाले स्नपनविधिविधौ नाहृतं गांगतोयं
पूजार्थं वा कदाचिद्बहुतरगहनात्खंडबिल्वीदलानि।
नानीता पद्ममाला सरसि विकसिता गंधधूपैः त्वदर्थं
क्षंतव्यो मे‌ऽपराधः शिव शिव शिव भो श्री महादेव शंभो ॥६॥

दुग्धैर्मध्वाज्युतैर्दधिसितसहितैः स्नापितं नैव लिंगं
नो लिप्तं चंदनाद्यैः कनकविरचितैः पूजितं न प्रसूनैः।
धूपैः कर्पूरदीपैर्विविधरसयुतैर्नैव भक्ष्योपहारैः
क्षंतव्यो मे‌ऽपराधः शिव शिव शिव भो श्री महादेव शंभो ॥७॥

ध्यात्वा चित्ते शिवाख्यं प्रचुरतरधनं नैव दत्तं द्विजेभ्यो
हव्यं ते लक्षसंख्यैर्हुतवहवदने नार्पितं बीजमंत्रैः।
नो तप्तं गांगातीरे व्रतजननियमैः रुद्रजाप्यैर्न वेदैः
क्षंतव्यो मे‌ऽपराधः शिव शिव शिव भो श्री महादेव शंभो ॥८॥

स्थित्वा स्थाने सरोजे प्रणवमयमरुत्कुंभके (कुंडले)सूक्ष्ममार्गे
शांते स्वांते प्रलीने प्रकटितविभवे ज्योतिरूपे‌ऽपराख्ये।
लिंगज्ञे ब्रह्मवाक्ये सकलतनुगतं शंकरं न स्मरामि
क्षंतव्यो मे‌ऽपराधः शिव शिव शिव भो श्री महादेव शंभो ॥९॥

नग्नो निःसंगशुद्धस्त्रिगुणविरहितो ध्वस्तमोहांधकारो,
नासाग्रे न्यस्तदृष्टिर्विदितभवगुणो नैव दृष्टः कदाचित्।
उन्मन्या‌वस्थया त्वां विगतकलिमलं शंकरं न स्मरामि
क्षंतव्यो मे‌पराधः शिव शिव शिव भो श्री महादेव शंभो ॥१०॥

चंद्रोद्भासितशेखरे स्मरहरे गंगाधरे शंकरे
सर्पैर्भूषितकंठकर्णयुगले (विवरे)नेत्रोत्थवैश्वानरे।
दंतित्वक्कृतसुंदरांबरधरे त्रैलोक्यसारे हरे
मोक्षार्थं कुरु चित्तवृत्तिमचलामन्यैस्तु किं कर्मभिः ॥११॥

किं वा‌ऽनेन धनेन वाजिकरिभिः प्राप्तेन राज्येन किं
किं वा पुत्रकलत्रमित्रपशुभिर्देहेन गेहेन किम्।
ज्ञात्वैतत्क्षणभंगुरं सपदि रे त्याज्यं मनो दूरतः
स्वात्मार्थं गुरुवाक्यतो भज मन श्रीपार्वतीवल्लभम् ॥१२॥

आयुर्नश्यति पश्यतां प्रतिदिनं याति क्षयं यौवनं
प्रत्यायांति गताः पुनर्न दिवसाः कालो जगद्भक्षकः।
लक्ष्मीस्तोयतरंगभंगचपला विद्युच्चलं जीवितं
तस्मात्त्वां (मां)शरणागतं शरणद त्वं रक्ष रक्षाधुना ॥१३॥

वंदे देवमुमापतिं सुरगुरुं वंदे जगत्कारणं
वंदे पन्नगभूषणं मृगधरं वंदे पशूनां पतिम्।
वंदे सूर्यशशांकवह्निनयनं वंदे मुकुंदप्रियं
वंदे भक्तजनाश्रयं च वरदं वंदे शिवं शंकरम् ॥१४॥

गात्रं भस्मसितं च हसितं हस्ते कपालं सितं
खट्वांगं च सितं सितश्च वृषभः कर्णे सिते कुंडले।
गंगाफेनसिता जटा पशुपतेश्चंद्रः सितो मूर्धनि
सो‌यं सर्वसितो ददातु विभवं पापक्षयं सर्वदा ॥१५॥

करचरणकृतं वाक्कायजं कर्मजं वा
श्रवणनयनजं वा मानसं वा‌पराधम्।
विहितमविहितं वा सर्वमेतत्क्ष्मस्व
शिव शिव करुणाब्धे श्री महादेव शंभो ॥१६॥

यह भी पढ़ें – कनकधारा स्तोत्र

॥ इति श्रीमद् शंकराचार्यकृत शिवापराधक्षमापण स्तोत्रं संपूर्णम् ॥
॥ श्रीमद् शंकराचार्य रचित शिव अपराध क्षमापन स्तोत्र संपूर्ण हुआ ॥

विदेशों में बसे कुछ हिंदू स्वजनों के आग्रह पर शिव अपराध क्षमापन स्तोत्र (Shiv Apradh Kshamapan Stotra) को हम रोमन में भी प्रस्तुत कर रहे हैं। हमें आशा है कि वे इससे अवश्य लाभान्वित होंगे। पढ़ें यह शिव अपराध क्षमापन स्तोत्र रोमन में–

Read Shiv Apradh Kshamapan Stotra

ādau karmaprasaṃgātkalayati kaluṣaṃ mātṛkukṣau sthitaṃ māṃ
viṇmūtrāmedhyamadhye kathayati nitarāṃ jāṭharo jātavedāḥ।
yadyadvai tatra duḥkhaṃ vyathayati nitarāṃ śakyate kena vaktuṃ,
kṣaṃtavyo me‌’parādhaḥ śiva śiva śiva bho śrī mahādeva śaṃbho ॥1॥

bālye duḥkhātireko malalulitavapuḥ stanyapāne pipāsā
no śaktaśceṃdriyebhyo bhavaguṇajanitāḥ jaṃtavo māṃ tudaṃti।
nānārogādiduḥkhādrudanaparavaśaḥ śaṃkaraṃ na smarāmi
kṣaṃtavyo me‌’parādhaḥ śiva śiva śiva bho śrī mahādeva śaṃbho ॥2॥

prauḍho‌’haṃ yauvanastho viṣayaviṣadharaiḥ paṃcabhirmarmasaṃdhau
daṣṭo naṣṭo‌vivekaḥ sutadhanayuvatisvādusaukhye niṣaṇṇaḥ।
śaivīciṃtāvihīnaṃ mama hṛdayamaho mānagarvādhirūḍhaṃ
kṣaṃtavyo me‌’parādhaḥ śiva śiva śiva bho śrī mahādeva śaṃbho ॥3॥

vārdhakye ceṃdriyāṇāṃ vigatagatimatiścādhidaivāditāpaiḥ
pāpai rogairviyogaistvanavasitavapuḥ prauḍhahīnaṃ ca dīnam।
mithyāmohābhilāṣairbhramati mama mano dhūrjaṭerdhyānaśūnyaṃ
kṣaṃtavyo me‌’parādhaḥ śiva śiva śiva bho śrī mahādeva śaṃbho ॥4॥

no śakyaṃ smārtakarma pratipadagahanapratyavāyākulākhyaṃ
śraute vārtā kathaṃ me dvijakulavihite brahmamārge‌’susāre।
jñāto dharmo vicāraiḥ śravaṇamananayoḥ kiṃ nididhyāsitavyaṃ
kṣaṃtavyo me‌’parādhaḥ śiva śiva śiva bho śrī mahādeva śaṃbho ॥5॥

snātvā pratyūṣakāle snapanavidhividhau nāhṛtaṃ gāṃgatoyaṃ
pūjārthaṃ vā kadācidbahutaragahanātkhaṃḍabilvīdalāni।
nānītā padmamālā sarasi vikasitā gaṃdhadhūpaiḥ tvadarthaṃ
kṣaṃtavyo me‌’parādhaḥ śiva śiva śiva bho śrī mahādeva śaṃbho ॥6॥

dugdhairmadhvājyutairdadhisitasahitaiḥ snāpitaṃ naiva liṃgaṃ
no liptaṃ caṃdanādyaiḥ kanakaviracitaiḥ pūjitaṃ na prasūnaiḥ।
dhūpaiḥ karpūradīpairvividharasayutairnaiva bhakṣyopahāraiḥ
kṣaṃtavyo me‌’parādhaḥ śiva śiva śiva bho śrī mahādeva śaṃbho ॥7॥

dhyātvā citte śivākhyaṃ pracurataradhanaṃ naiva dattaṃ dvijebhyo
havyaṃ te lakṣasaṃkhyairhutavahavadane nārpitaṃ bījamaṃtraiḥ।
no taptaṃ gāṃgātīre vratajananiyamaiḥ rudrajāpyairna vedaiḥ
kṣaṃtavyo me‌’parādhaḥ śiva śiva śiva bho śrī mahādeva śaṃbho ॥8॥

sthitvā sthāne saroje praṇavamayamarutkuṃbhake (kuṃḍale)sūkṣmamārge
śāṃte svāṃte pralīne prakaṭitavibhave jyotirūpe‌’parākhye।
liṃgajñe brahmavākye sakalatanugataṃ śaṃkaraṃ na smarāmi
kṣaṃtavyo me‌’parādhaḥ śiva śiva śiva bho śrī mahādeva śaṃbho ॥9॥

nagno niḥsaṃgaśuddhastriguṇavirahito dhvastamohāṃdhakāro,
nāsāgre nyastadṛṣṭirviditabhavaguṇo naiva dṛṣṭaḥ kadācit।
unmanyā‌vasthayā tvāṃ vigatakalimalaṃ śaṃkaraṃ na smarāmi
kṣaṃtavyo me‌parādhaḥ śiva śiva śiva bho śrī mahādeva śaṃbho ॥10॥

caṃdrodbhāsitaśekhare smarahare gaṃgādhare śaṃkare
sarpairbhūṣitakaṃṭhakarṇayugale (vivare)netrotthavaiśvānare।
daṃtitvakkṛtasuṃdarāṃbaradhare trailokyasāre hare
mokṣārthaṃ kuru cittavṛttimacalāmanyaistu kiṃ karmabhiḥ ॥11॥

kiṃ vā‌’nena dhanena vājikaribhiḥ prāptena rājyena kiṃ
kiṃ vā putrakalatramitrapaśubhirdehena gehena kim।
jñātvaitatkṣaṇabhaṃguraṃ sapadi re tyājyaṃ mano dūrataḥ
svātmārthaṃ guruvākyato bhaja mana śrīpārvatīvallabham ॥12॥

āyurnaśyati paśyatāṃ pratidinaṃ yāti kṣayaṃ yauvanaṃ
pratyāyāṃti gatāḥ punarna divasāḥ kālo jagadbhakṣakaḥ।
lakṣmīstoyataraṃgabhaṃgacapalā vidyuccalaṃ jīvitaṃ
tasmāttvāṃ (māṃ)śaraṇāgataṃ śaraṇada tvaṃ rakṣa rakṣādhunā ॥13॥

vaṃde devamumāpatiṃ suraguruṃ vaṃde jagatkāraṇaṃ
vaṃde pannagabhūṣaṇaṃ mṛgadharaṃ vaṃde paśūnāṃ patim।
vaṃde sūryaśaśāṃkavahninayanaṃ vaṃde mukuṃdapriyaṃ
vaṃde bhaktajanāśrayaṃ ca varadaṃ vaṃde śivaṃ śaṃkaram ॥14॥

gātraṃ bhasmasitaṃ ca hasitaṃ haste kapālaṃ sitaṃ
khaṭvāṃgaṃ ca sitaṃ sitaśca vṛṣabhaḥ karṇe site kuṃḍale।
gaṃgāphenasitā jaṭā paśupateścaṃdraḥ sito mūrdhani
so‌yaṃ sarvasito dadātu vibhavaṃ pāpakṣayaṃ sarvadā ॥15॥

karacaraṇakṛtaṃ vākkāyajaṃ karmajaṃ vā
śravaṇanayanajaṃ vā mānasaṃ vā‌parādham।
vihitamavihitaṃ vā sarvametatkṣmasva
śiva śiva karuṇābdhe śrī mahādeva śaṃbho ॥16॥

॥ iti śrīmad śaṃkarācāryakṛta śivāparādhakṣamāpaṇa stotraṃ saṃpūrṇam ॥
॥ śrīmad śaṃkarācārya racita śiva aparādha kṣamāpana stotra saṃpūrṇa huā ॥

सन्दीप शाह

सन्दीप शाह दिल्ली विश्वविद्यालय से स्नातक हैं। वे तकनीक के माध्यम से हिंदी के प्रचार-प्रसार को लेकर कार्यरत हैं। बचपन से ही जिज्ञासु प्रकृति के रहे सन्दीप तकनीक के नए आयामों को समझने और उनके व्यावहारिक उपयोग को लेकर सदैव उत्सुक रहते हैं। हिंदीपथ के साथ जुड़कर वे तकनीक के माध्यम से हिंदी की उत्तम सामग्री को लोगों तक पहुँचाने के काम में लगे हुए हैं। संदीप का मानना है कि नए माध्यम ही हमें अपनी विरासत के प्रसार में सहायता पहुँचा सकते हैं।

Leave a Reply

Your email address will not be published. Required fields are marked *

error: यह सामग्री सुरक्षित है !!